Алматыда 65-маршруттағы автобус аялдамада тұрған троллейбусқа соғылып, салдарынан бір жолаушы зардап шекті. Полиция оқиғаның нақты себептерін анықтап жатыр, деп хабарлайды Egemen.kz.
Жол-көлік оқиғасы 11 желтоқсан күні сағат 11:50-де Медеу ауданында болған. Қалалық полиция департаментінің хабарлауынша, 65-маршруттағы автобус Достық даңғылы бойымен оңтүстік бағытта қозғалып келе жатып, Бөгенбай батыр көшесіндегі аялдамада тұрған троллейбусқа соғылған.
Оқиға салдарынан 1966 жылы туған әйел жарақат алған.
Полиция қазір жол-көлік оқиғасының барлық мән-жайын анықтау үшін тергеу жүргізіп жатыр.