Ұлыбритания Премьер-министрі Тереза Мэй елдің Еуроодақ құрамынан шығу процесін бастайтын хатқа қол қойды.
Құжат енді Еуропалық Кеңес төрағасы Дональд Тускке бүгін жіберіледі. Осыдан кейін Тереза Мэй министрлермен кездесіп, парламентте сөз сөйлейді. Ал 29 сәуірде Ұлыбританияның қатысуынсыз Еуроодақ басшыларының саммиті өтеді.
Шарада ұйым Еурокомиссияға келіссөз жүргізуге өкілеттік беріп, ол келіссөз жоспарын даярлап, жариялауы тиіс.
Айта кетейік, өткен жылы Ұлыбританияда Еуроодақ құрамынан шығу жөнінде референдум өткен. Онда ұйымнан шығуды қолдағандар жеңіске жетті. Осыған байланысты ақпан айында үкімет өз жоспарын жариялаған. Оған сәйкес Ұлыбритания ортақ нарықтан шығып, жаңа кеден тәртібін енгізеді.