Қылмыс • 19 Наурыз, 2026
Ебін тапқандар интернет дәуірінің игілігін көріп жатыр. Сан түрлі әлеуметтік желіден бастап, қандай да бір затқа тапсырыс рәсімдеу, ақша аудару секілді көптеген жұмыс дәл осы ғаламтор арқылы жүзеге асатыны баршаға белгілі. Әйтсе де мұның қарапайым халық үшін пайдасымен қатар зияны да бар. Алаяқтықтың түрлі жолымен жұрттың қалтасын қағып жүргендер әлі де азаяр емес.
Өндіріс • 18 Наурыз, 2026
Жүгеріні қалдықсыз өңдейтін кәсіпорын
Елімізде өңделген ауыл шаруашылығы өнімдерінің үлесін 70 пайызға жеткізу межесі қойылғаны белгілі. Мемлекет басшысының осы тапсырмасын жүзеге асыру мақсатында өңірде ауқымды жұмыс атқарылып жатыр. Жамбылдық атқамінерлер жүгеріні тереңдетіп өңдеу саласына айрықша басымдық беріп отыр. Шу ауданында салынып жатқан жаңа кәсіпорында алдағы уақытта мыңнан аса жаңа жұмыс орны құрылады. Компания басшылығы жұмысшылардың 90 пайызын жергілікті азаматтар құрайтынына сендірді.
Референдум • 15 Наурыз, 2026
Жұдырықтай жұмылған жамбылдықтар
Ел аумағында өткен жалпыхалықтық референдумға жамбылдық жамағат та жұмылған жұдырықтай қатысып, белсенділік танытты. Өңірде 523 референдум учаскесі жұмыс істеді. Аймақта 726 мыңнан астам адам таңдау құқығына ие болса, олардың басым бөлігі саяси науқанға қатысты.
Заң мен Тәртіп • 11 Наурыз, 2026
Зорлық-зомбылыққа қарсы күрес күшейеді
Мемлекет басшысы Қасым-Жомарт Тоқаев тұрмыстық зорлық-зомбылықпен күрес тоқтамайтынын атап өткені мәлім. Соның арқасында елімізде нәзік жандар мен жасөспірімдердің құқығын қорғаудың озық жүйесі заңнамалық тұрғыда жетілдірілді. Өңірлерде тұрмыстық зорлық-зомбылыққа қарсы күрес жұмысы айтарлықтай күшейді.
Кәсіпкер • 05 Наурыз, 2026
Тотықұс асырағанның ұпайы түгел
Тараз қаласының тұрғыны тропикалық тотықұстарды өсіріп, табыс көзіне айналдырып отыр. Былтыр қайтарымсыз грантқа қолы жеткен Нұржан Нұрмаханұлы құс шаруашылығын дамытуға айрықша ден қойып жүр. Өңірде алғаш боп тотықұс өсіруді қолға алған азаматтың жаңа қадамына қызығушылар аз емес.
Экономика • 04 Наурыз, 2026
Дотацияда отырған Жамбыл өңірінің арқа сүйері – ауыл шаруашылығы саласы. Жалпы алғанда өңірде асыраушы салада жүйелі жұмыстар жүргізіліп жатқанына қарамастан, нәтижесі көңіл көншітпейтін әкімдер де баршылық. Бір-бір ауданды тізгіндеген басшылардың кейбір уәжі сыныққа – сылтаудай көрінетіні бар. Бұдан өзге салаларда да қайсыбір аудан әкімдері жұмысты әлі де ширатқаны жөн секілді. Нақтырақ айтсақ, Президент айрықша ден қойған инвестиция тарту, құрылыс саласында да олқылықтар байқалады.
Қоғам • 24 Ақпан, 2026
13 жасар қызды қара ниетті қарақшылардан құтқарып қалған Тараз қаласының тұрғыны Нүркен Омаровқа лайықты құрмет көрсетілді. Ішкі істер министрлігі атынан марапатталған бейбіт күннің батырын облыс әкімі Ербол Қарашөкеев арнайы қабылдап, 500 мың теңгенің сертификатын табыстады.
Тұлға • 19 Ақпан, 2026
Адалдық антынан аттамаған адамның жүзі қай кезде де жарық болады. Еселі еңбегімен елдің құрметіне бөленген абзал азаматтардың жүйелі жұмысы ешқашан да жұрт жадынан өшпек емес. Тік жүріп турашылдығынан танбаған Тәліпбек Сапарбекұлының өзі өмірден өтсе де, артына қалдырған мұрасы оның тұлғасын биіктете беретіні даусыз.
Мирас • 18 Ақпан, 2026
Бұл кісінің шаңырағын үй емес, музей ме деп қалатының анық. Өйткені Әлимаш Теміржанованың үйінде қос ғасырдың куәсіндей болған жәдігерлер менмұндалап тұр. Бір емес, үш бірдей бөлмеде орналасқан әрбір заттың өзіне тән тарихы бар. Кейуана барлық жәдігерді көзінің қарашығындай сақтап отырғаны көңіл тоғайтады. Шаңырағын музейге айналдырған зейнеткердің үйіне келушілер аз емес. Олар мұндағы әрбір зат туралы тереңірек білгісі келеді.
Өнер • 13 Ақпан, 2026
Ықылым замандағы жыраулардың жүздеген дастанын жатқа білетін Бекарыс Көштаев «Алпамыс батыр» жырын төрт сағат тоқтаусыз айтып беруге әзір. Ұзын саны 300-ден астам жыр-дастанды жаттап алған ол қазіргі уақытта өнегелі ұстаз ретінде шәкірт тәрбиелеп жүр. Эпостық жырлардың бұлағынан қанып ішіп, домбыра үнімен әрлеген өнерпаз кейінгі толқынның да сабақтастықты үзбегенін, бабалардан қалған бай мұраны жалғағанын қалайды.
