Әлем • 19 Ақпан, 2026

Ауғанстанда 500-ден астам музыкалық аспап әдейі өртелді

20 рет

көрсетілді

1 мин

оқу үшін

Ауғанстандағы Ізгілікті насихаттау және жамандықтың алдын алу министрлігінің қызметкерлері 500 музыкалық аспапты өртеді. «Адамгершілікті бұзатын құралдар» деп танылған бұл заттардың барлығы бір жыл ішінде Парван провинциясының тұрғындарынан тәркіленген, деп хабарлайды Egemen.kz.

Баян СҮЛЕЙМЕНҚЫЗЫ

Ауғанстанда 500-ден астам музыкалық аспап әдейі өртелді

фото: ria.ru

Аспаптар мен оған қатысты құралдар бір жыл бойы түрлі жиын-тойлар мен рәсімдер кезінде тәркіленген. Парван провинциялық департаментінің басшысы Макбуль Ахмад Вакастың айтуынша, тәркіленген дүниелер шариғат нормаларына қайшы келеді.

Ауғанстандағы су тасқынынан 17 адам қаза тапты

«Музыкалық аспаптар Гольганди ауданында билік өкілдерінің, бас барлау басқармасының және басқа да құзырлы органдардың қатысуымен өртелді», делінген Pajhwok Afghan News агенттігінің хабарламасында.

Вакас бұл шара «жамандықпен күрес жөніндегі үздіксіз күш-жігердің бір бөлігі» екенін атап өтіп, тұрғындарды шариғат заңдарына қайшы деп саналатын заттарды пайдаланудан бас тартуға шақырған.