Фото: prodengi.kz
Бұған дейін ТҮҚЖ жүйесі бойынша ипотеканы тек Отбасы банкі арқылы рәсімдеуге болатын. Енді мұндай бағдарламаларды коммерциялық банктер де ұсына алады, бұл бәсекелестікті арттырып, ипотекалық өнімдердің қолжетімділігін кеңейтеді.
Бұл жүйе стандартты ипотекаға қарағанда пайыздық мөлшерлемесінің төмендігімен тиімді.
Жүйенің негізгі қағидаты клиент арнайы депозитте жинақ қалыптастырып, тұрғын үй құнының кемінде 50%-ын жинауы қажет. Жинақтау мерзімі неғұрлым ұзақ болса, несие мөлшерлемесі соғұрлым төмен болады.
Ұлттық банк төрағасы азаматтарға ипотекаға үй алуды кейінге қалдыруға кеңес берді
Мысалы, Отбасы банкіндегі ең төменгі 3,5% мөлшерлемені алу үшін депозит кемінде үш жыл бойы толтырылуы тиіс. Тұрғын үй жинақ депозиттері бойынша мөлшерлемелер әдеттегі банктік өнімдерге қарағанда едәуір төмен.
Түзетулер күшіне енгеннен кейін коммерциялық банктер ТҮҚЖ жүйесі бойынша жинақ депозиттерін ашып, қарыздар бере алады.
Қаржы нарығын реттеу және дамыту агенттігінің (ҚНРДА) мәліметінше, ТҮҚЖ бойынша жұмыс істеу үшін арнайы лицензия талап етілмейді, қолданыстағы банк лицензиясы жеткілікті.
Айта кететін жайт, мемлекеттік сыйақы тек Отбасы банкіндегі салымдар үшін сақталады. Ол жылына бір рет 200 АЕК-ке дейінгі сомаға есептеледі. Сыйақы мөлшері – депозитке салынған қаражаттың 20%-ы. 2025 жылға арналған мемлекеттік сыйақының ең жоғары сомасы 157 280 теңгені құрады.
Енді тұрғын үйде үлесі бар азаматтар жеңілдетілген ипотека ала алады
Коммерциялық банктердің клиенттеріне мемлекеттік сыйақы қарастырылмайды. Мөлшерлемелер мен шарттарды банктер өздері белгілейді.
Қаржы нарығын реттеу және дамыту агенттігінің мәліметінше, заң күшіне енгенге дейін банктердің ТҮҚЖ жүйесімен жұмыс істеу тәртібін нақтылайтын қосымша нормативтік-құқықтық акт қабылдануы мүмкін.
Бұл түзетулер Қазақстандағы барлық банктердің клиенттері үшін жинақтау арқылы ипотеканы қолжетімді етудің жолын ашады. Ал мемлекеттік қолдаудың Отбасы банкінде сақталуы нарықты ынталандыру мен мемлекеттік бағдарламаларды қорғау арасындағы тепе-теңдікті қамтамасыз етеді.
Биыл қолжетімді болуы мүмкін ипотекалық бағдарламалар анықталды
