Ең көп шақырту Алматы қаласында, Түркістан облысында және Астанада тіркелген.
Шақыртулардың негізгі үлесі мына ауру түрлеріне тиесілі болды:
– Тыныс алу жүйесі аурулары – 1 778 189 (23,8%);
– Жүрек-қан тамырлары аурулары – 1 434 483 (19,2%);
– Өзге аурулар – 1 249 223 (16,7%);
– Жарақаттар, уланулар және жазатайым оқиғалар – 735 183 (9,8%), оның ішінде жол-көлік оқиғалары – 40 972;
– Жүйке жүйесі аурулары – 714 915 (9,6%).
Есепті кезең қорытындысы бойынша сәтті реанимация көрсеткіші 8,2%-ға өсіп, 60,3%-ды құрады. Жедел санаттағы шақыртуды бригадаға беру уақыты орта есеппен 1,7 минут, ал бірінші шұғыл санаты бойынша жету уақыты 8,8 минут болды.
Жарақаттарға байланысты 685 503 шақырту, соның ішінде 40 972-сі жол-көлік оқиғалары бойынша тіркелген. ЖКО салдарынан 52 097 адам зардап шеккен, олардың 64,3%-ы ауруханаға жеткізілген. Қаза тапқандардың үлесі зардап шеккендердің 2,4%-ын құрады. ЖКО кезінде жедел жәрдемнің орташа жету уақыты – 8 минут.
Жедел миокард инфарктісі бойынша 27 378 шақыртуға қызмет көрсетіліп, көрсетілім болған жағдайлардың 89,9%-ында тромболитикалық терапия жүргізілген. Инсульт бойынша 52 207 шақырту тіркелді. Науқастарды инсульт орталықтарына белгіленген мерзімде жеткізу көрсеткіші қалада 97,9%, ауылдық жерлерде 88,5% болды.
Қазіргі таңда ел бойынша бір ауысымда 1 618 жедел жәрдем бригадасы жұмыс істейді. Оның 258-і дәрігерлік, 1 360-ы фельдшерлік бригадалар. Жедел жәрдем қызметінің кадрмен қамтылу деңгейі 86,8%, оның ішінде дәрігерлермен – 74,8%, орта буын медицина қызметкерлерімен – 88,1%.
