«Қазгидромет» РМК бүгін Атырау облысының солтүстігінде желдің екпіні секундына 15-20-дан 28 метрге жететінін хабарлады. Ал оңтүстігінде секундына 30 метрден асуы мүмкін.
Облыстық төтенше жағдайлар департаменті сыртқы имидждік жұмыс және коммуникациялар тобының дерегіне қарағанда, 13-14 джелтоқсанда жел екпінінің күшеюінен бірнеше нысанның шатыры ұшқан.
«Мұндай оқыс оқиға Құрманғазы, Махамбет, Мақат аудандары мен Атырау қаласында тіркелді. Аудандарда әлеуметтік нысандар мен өзге де ғимараттардың, Атырау қаласында тұрғын үйлердің шатыры бүлінді. Департамент құтқарушылары құлаған шатыр мен қауіп төндіріп тұрған бөліктерін алып тастау жұмысын жүргізіп жатыр», деп хабарлады департаменттің сыртқы имидждік жұмыс және коммуникациялар тобы.
Департаментте ауа райының құбылуына байланысты тәулік бойы кезекшілік ұйымдастырылған.
