Оның мақсаты – балалардың терезеден құлау оқиғаларының алдын алу және тұрғындар арасында қауіпсіздік мәдениетін қалыптастыру.
Іс-шараға ТЖД қызметкерлерімен қатар волонтерлер, полиция қызметкерлері және денсаулық сақтау мекемелерінің мамандары қатысты. Олар тұрғындарға төтенше жағдайлар кезіндегі іс-қимылдарды көрсетіп, қауіпсіздік ережелерін түсіндірді.
Қатысушыларға терезе мен балкондардағы қауіпсіздік шаралары егжей-тегжейлі түсіндіріліп, балаларға үйде абай болудың маңыздылығы айтылды. Ата-аналарға кәмелетке толмағандардың қауіпсіздігін қамтамасыз ету – ортақ жауапкершілік екені ескертілді.
Мұндай іс-шаралар балалардың жарақат алу жағдайларын азайтуға және тұрғындардың қауіпсіздік туралы ақпараттануын арттыруға зор ықпал етеді.
Ұқсас профилактикалық акциялар Ұлытау облысында алдағы уақытта да тұрақты түрде өткізілетін болады.
