Аймақ басшысы Н.Ноғаев қатысқан іс-шарада мұражайды ашу, лента қию құрметі қылмыстық атқару жүйесінің ардагерлері К.Құлмағамбетов пен М.Шлекеновке берілсе, «Маңғыстау өңірінің қылмыстық атқару жүйесі: өткені мен бүгіні» атты кітаптың тұсауын кесу құрметі облыс бойынша қылмыстық-атқару жүйесі департаментінің бастығы, әділет полковнигі А.Қалиев пен аталған департамент ардагерлер кеңесінің төрағасы Д.Бегалиевке бұйырды.
Деректі-публицистикалық сипатта жазылған кітапта Маңғыстау облысындағы қылмыстық атқару жүйесінің қалыптасу жолы мен даму тарихы, бүгінгі таңдағы тыныс-тіршілігі, осы салада еңбек еткен және қызмет етіп жүрген азаматтардың еңбектері сипатталады. Сондай-ақ туындыда осы жүйенің қилы жолы, қалыптасуы, қиындығы мен жетістігі хатталған.
Салтанатты іс-шарада облыс әкімі Н.Ноғаев кітапты тарихи құнды еңбек деп бағалап, мекеменің өткені мен бүгінін қағаз бетіне түсіріп, қаттап берген авторларға алғысын білдірді.
Маңғыстау облысы
