«Бабаларымыз ел тағдырын айқындайтын тарихи шешімдерді бүкіл халық болып ақылдасып, бірге қабылдаған. Келелі жиында айтылған кесімді сөзге алты Алаштың баласы түгел тоқтаған. Біз бірліктің бастауы болған осы дала демократиясының дәстүрін жаңғыртуымыз керек», деді Президент өз сөзінде.
Қасым-Жомарт Тоқаевтың айтуынша, мемлекетіміздің өркендеуі аймақтардың қуатты болуына тікелей байланысты.
«Қазір саяси баррикадалар орнатып, әр мәселеге бола митинг өткізіп, күмәнді шешімдерге жетелеп, жөнсіз талап қоятын уақыт емес. Маған елімнің амандығы мен жерімнің тұтастығынан асқан ешбір құндылық жоқ», деді Президент Жолдау барысында.
