«Биылғы қазанның соңында Бірыңғай жинақтаушы зейнетақы қорының зейнетақы активтері жыл басынан бастап 337,3 млрд теңгеге немесе 2,6%-ке ұлғайып, 13,2 трлн теңге болды. Ал 31 қазанда салымшылардың зейнетақы жинақтарын мерзімінен бұрын алуы үшін 2 трлн теңгеге 545,5 мың өтініш орындалды, оның ішінде 1,950 млрд теңге немесе 97,1% тұрғын үй мәселелерін шешуге тиесілі болды», деді Е. Досаев Үкімет отырысында.
Банк төрағасының айтуынша, биылғы жыл басынан бері есептелген инвестициялық кірістің мөлшері шамамен 1,2 трлн теңге болды, оның 14%-і валюталық портфель активтеріне тиесілі.
«Биылғы 10 айдың қорытындысы бойынша 7% инфляция кезінде 9,9% мөлшерінде кіріс алынды, сәйкесінше салымшылар үшін 2,9% мөлшерінде нақты кіріс қамтамасыз етілді», деді Е. Досаев.
