«Әлеуметтік қорғау жүйесі қызметкерлерінің күні - бұл өзгелердің мәселелерін бірінші болып қабылдайтын және оларды шешуге көмектесетін ең мейірімді адамдардың мерекесі. Бүгінгі таңда әлеуметтік қорғау жүйесінде 30 мыңнан астам қызметкер жұмыс істейді, оның ішінде 11,6 мың адам – әлеуметтік қызметкерлер. Сіздер аз қамтылған азаматтарға, мүгедектігі бар адамдарға және зейнеткерлерге қажетті көмек көрсетесіздер. Өз қызметтеріңізбен біздің әлемді мейірімді етесіздер, өйткені адамдарға өмірлік қиындықтарды жеңуге көмектесіп қана қоймай, оларға жүректеріңіздің жылуын сыйлайсыздар. Сіздердің еңбектеріңіз үшін рахмет! Сізге оптимистік көзқарас, жан тыныштығы және жұмыста ізгілік тілеймін!», делінген Серік Шәпкеновтің үндеуінде.
Еске сала кетсек, Қазақстанда әлеуметтік қорғау жүйесі қызметкерлерінің күні қазан айының соңғы жексенбісінде атап өтіледі.
