Белгілі болғандай, бір топ жасөспірім өзеннің жағасына ойнауға барған. Өзенге шомылғандардың ішінде 7-сыныпты бітірген жасөспірім судан шықпай қалған.
«Бұл туралы аудандық төтенше жағдайлар бөліміне кешкі сағат 19:45-те хабар түсті. Сүңгуірлер облыс орталығынан шақыртылды. Сүңгуірлер келгенге дейін жергілікті тұрғындар мен балықшылар, полиция мен төтенше жағдайлар бөлімдерінің қызметкерлері іздестіру жүргізді. Түнгі 23:00-де іздеу жұмысы тоқтатылды. Бірақ, суға батқан жасөспірімнің туыстары іздестіруді жалғастырды. Олар 26 мамырда сағат 00:30-да өзеннен жасөспірімнің денесін алып шықты», деді Құрманғазы аудандық төтенше жағдайлар бөлімінің бастығы Талғат Сансызбаев.
