Ыстанбұлдағы қонақүйлердің бір күндік орташа бағасы 2017 жылдың ақпан айында 70 еуроға теңесті, бұл өткен жылғы көрсеткішпен салыстырғанда 20 пайызға аз, деп хабарлайды (TUROB) Түркия қонақүй қызметкерлерінің қауымдастығы.
Қауымдастықтың мәліметінше, өткен жылдың ақпан айында қонақүйлердің 47,6 пайызы толық болса, биыл ақпанда бұл көрсеткіш 47,2 пайыз болды. Өткен жылы баға тәулігіне орташа есеппен 87,1 еуро болған еді.
TUROB президенті Тимур Байиндирдің айтуынша, қазіргі баға қонақүй бизнесі үшін ауырға соқпақ. Ол Түркия билігін жедел шара қабылдауға шақырып, Ыстанбұлдың туристік атын тағы да таныта түсу керектігін айтты.
Ыстанбұлға баратын туристер өткен жылы 9,2 млн адамға азайған еді. Бұл соңғы 16 жылдағы ең төменгі көрсеткіш болатын. Соның ішінде, АҚШ, Ресей азаматтарының келуі азайған.
