Қытай енді "арзан жұмыс күші" емес

IHS Науkit компаниясының жүргізген зерттеуіне сай, әлем елдері енді Қытайды "фабрикалар отаны" деп санамайтыны анықталды, деп жазады vestifinance.ru. «2016 жылдан бері алғаш рет сауалнамаға қатысқан респонденттердің ішінде Қытайды арзан ресурс тартатын ел ретінде санайтындардың саны 50 пайызға дейін қысқарды. Бұл 2012 жылдан бергі 70 пайыздық қысқару», - дейді IHS экономисі Науkit Пол Робинсон. Бірнеше жылдан бері әлемдік компаниялар өндірістерін Қытайда ашып келді. Оған себеп қытай халқының арзан жұмыс күші. Алайда, соңғы жылдары Қытайдағы жеке сектордағы жалақы құны айтарлықтай өсіп, сыртқы компаниялардың өндіріс ашуға деген қызығушылықтарын азайтты. Халықаралық еңбек ұйымы мәліметінше, 2006 жылдан бері Қытайдағы орташа жалақы құны екі есеге дейін ұлғайды. 2014 жылға қарай орташа есеппен айлық жалақы көлемі 685 долларға тең болды. Ал бұл көрсеткіш Вьетнамда 212, Филиппинде 216, Тайландта 408 доллар екені белгілі. Дегенмен, шет елдік компаниялар Қытайдан фабрикаларын көшіруге асықпай, оның орнына қымбат қалалардағы өндірісті шағын арзан қалаларға қарай ауыстыруда. «Сауалнама қорытындысы көрсеткендей, Қытай қазіргі таңда арзан ресурс көзі емес, жаһандық тасымал хабы ретінде қалыптасты», — дейді Робинсон. Зерттеу қорытындысы бойынша, Қытай, Үндістан, Мексика елдері ресурс іздеуге ең тиімді ел ретінде танылған.