Астана мен Алматы қалаларындағы ақша айырбастау орындарында шетелдік валюта бағамы ұсынылды, деп хабарлайды Egemen.kz.
Kurs.kz деректеріне сәйкес, Астанадағы айырбастау орындарында долларды сатып алу бағамы орта есеппен 486 теңге болса, сату бағасы 493 теңгеге жеткен.
Еуро 563-573 теңге аралығында саудаланып жатыр. Ал рубльдің бағамы 6,2-6,68 теңге деңгейінде сақталып отыр.
Алматы қаласындағы айырбастау орындарында доллар 484 теңгеден сатып алынып, 491 теңгеден сатылып жатыр. Еуроның бағамы 562-572 теңге аралығында болса, Ресей рублі 6,2-7 теңге шамасында саудаланып жатыр.