«Nvidia» компаниясының басшысы Дженсен Хуанг болашақта бағдарламалауда код жазудың қажеті болмайтынын айтты.
Ол компаниядағы әрбір инженердің «Cursor» атты жасанды интеллект көмекшісін белсенді қолданатынын атап өтті. Бұл құрал инженерлерге код жазу, қатені табу, программалық шешімдерді жылдам жасау сияқты күнделікті қайталанатын жұмыстарды жеңілдетуге көмектеседі. Хуангтің айтуынша, алдағы уақытта инженерлер тек шығармашылық әрі күрделі мәселелермен айналысып, қарапайым код жазу міндеттерінен толық босатылады.