Алматы қаласында құны 300 млн теңгеден асатын активтер мемлекет меншігіне қайтарылды. Бұл туралы қала прокуратурасының баспасөз қызметі мәлім етті, деп хабарлайды Egemen.kz.
Прокуратура мәліметінше, 2019 жылы «Қазақ мәдениет ғылыми-зерттеу институты» ЖШС заң талаптарын бұза отырып, үшінші тұлғаларға берілгені анықталған.
Тексеру қорытындысы бойынша Медеу ауданы прокуратурасының талап-арызы негізінде сот жасалған мәмілелерді жарамсыз деп таныды.
– Прокуратураның талап-арызы бойынша сот мәмілелерді жарамсыз деп таныды. Нәтижесінде мемлекетке құны 300 млн теңгеден асатын активтер қайтарылды, – делінген хабарламада.
Айта кетейік, 2 млн гектар пайдаланылмаған жер мерзімінен бұрын мемлекет меншігіне қайтарылды.