Қарлы бораннның салдарынан «Жезқазған-Петропавл» автожолының 340-377 шақырым аралығындағы жол екі күннен бері жабық тұр. Бұл бағытқа барлық көлік түрлері үшін қозғалыс шектелген, деп жазады Egemen.kz.
Бүгін полиция қызметкерлері мен «ҚазАвтоЖол» ҰК» АҚ өкілдері арнайы техниканың күшімен қар құрсауында қалған 100 шақты автокөлікті Арқалық қаласынан Ақмола облысының шекарасына дейін шығарып салды.
«Арнайы қызметтер көмек көрсетуге қашанда дайын. Алайда жүргізушілерді қолайсыз ауа райында жолға шықпауға және қозғалысқа қойылған шектеулерді сақтауға шақырамыз», дейді облыстық полиция департаментінің баспасөз хатшысы Карина Базарбаева.
Қостанай облысы