Жолаушыларға жағдай жасалмақ

Әсіресе, қалалы жерлерде көлік қозғалысын реттеу қиын. Бұған жолдың тарлығы да, көліктің көптігі де әсер етпей қоймайды. Сондықтан, көлік қоз­ғалысын реттеу арқылы қау­іп­­сіздікті қамтамасыз ету де бас­ты назарда болуы тиіс. Бүгінде Тараз қаласында 369 мың тұр­ғын бар. Сол тұрғындардың 100 мыңға жуығы «Алматы –  Шымкент» бағытындағы темір жол желісінің арғы бетінде тұ­ра­ды. Қазіргі кезде шаһардың екі бөлігі арасындағы көлік қа­тынасы Абай көшесінде ор­наласқан тек қолданыстағы жал­ғыз жол өткелі арқылы қам­та­масыз етіліп келеді. 

Соңғы жылдары өңірдегі кө­лік қозғалысының қарқыны екі-үш есеге өскені байқалады. Сон­дықтан да қолданыстағы жал­ғыз жол өткелі көлік ағымын иге­ре алмай отыр. Оған қоса, Қыр­ғыз Республикасы шекарасы мен «Айша бибі» кеден бекеті бағыты арқылы тәулігіне 4-5 мың автокөлік қатынайды. Мұның бәрін қосқанда өңірдегі көлік қозғалысы мен жол мәсе­ле­сі осы уақытқа дейін күн тәр­ті­­бінде тұрған еді. 

Алайда Тараз қаласындағы Айша бибі көшесінің соңында ор­наласқан, құрылысы тоқса­нын­шы жылдары басталып, бі­рақ әлі күнге дейін бітпеген жол өткелін қайта жаңартып, пай­да­лануға беру бұл мәселенің оң шешімі болғалы тұр. «Аталған жол өткелін қайта жаңарту мақ­са­тында, облыстық бюджет есе­бінен қажетті жобалық-сме­та­лық құжаттама әзірленіп, оған мемлекеттік сараптаманың оң қорытындысы алынған. Жо­баның құны 1 миллиард 917 миллион 311 мың теңгені құ­рай­ды. Жобаны іске асыру үшін 2016 жылы республикалық бюд­­жеттен 1 119 миллион тең­­ге қарастырылып, «Арай­стро­й­­маркет» ЖШС мердігер бо­­лып танылды. Келісімшарт кө­лемі 1 828,1 миллион теңге. Ал өткен жылға бөлінген қаржы толығымен игерілді», дейді об­лыс­тық құрылыс, жолаушылар кө­лігі және автомобиль жолдары басқармасының басшысы 

Ә.Ахатаев. Сондай-ақ, басқарма бас­шысы қайта жаңарту жұмыс­та­рын аяқтау мақсатында биыл облыстық бюджет­тен 709,1 миллион теңге бөлін­ге­нін де жеткізді. Бүгінгі таңда ны­сан­ның құрылыс-монтаж жұ­мыстары күнтізбелік жұмыс­тар­ды орындау кестесіне сәйкес жүр­гізілуде екен. Бұдан кейін көр­ші Қырғызстанға қарай қа­ты­найтын айналма жол салу да жос­парда бар. Бұл өз кезегінде жо­лаушыларға жасалған жақсы жағ­дай болып табылады. 

Жалпы, аталған жол өт­келін қай­та жаңартып, пайда­ла­нуға бе­­ру Тараз қаласы тұр­ғын­да­ры­ның қауіпсіз қозғалуына әрі өңір­дегі көлік қозғалысының реттелуіне мүмкіндік беретін болады. 

Хамит ЕСАМАН, «Егемен Қазақстан»       Жамбыл облысы