Пікір • 13 Сәуір, 2023

Қадірі кеткен атақ

Батыр Бауыржан Момышұлының көк дәптерінде мынандай жазба бар екен: «Ешкім генерал болып тумайды. Генералдар солдаттардан өсіп шығады». Бірақ, өкінішке қарай, қазір біздің қоғамда генерал болуды армандайтын солдаттардан гөрі, сол жауынгерлерге үлгі бола алмай жүрген генералдар көп.

Сенат • 13 Сәуір, 2023

Ынтымақтастықты дамытудың «Жол картасы»

Сенат төрағасы Мәулен Әшімбаев бастаған бір топ депутат ресми сапармен Ресей Федерациясына келді. Сапар барысында Палата спикері Ресей Федерациясы Федералдық Жиналысы Федерация Кеңесінің төрағасы Валентина Матвиенкомен кездесті. Сондай-ақ спикерлер Қазақстан Республикасы Парламенті Сенаты мен Ресей Федералдық Жиналысы Федерация Кеңесінің Ынтымақтастық жөніндегі комиссиясы отырысының ашылуына қатысты. Отырыста Палата басшылары 2023-2025 жылдарға арналған Қазақстан Республикасы Парламенті Сенаты мен Ресей Феде­ралдық Жиналысы Федерация Кеңесі арасындағы Ынты­мақтастықты дамыту жөніндегі «Жол картасына» қол қойды.

Балалар • 06 Сәуір, 2023

Жауғаштыдағы бейкүнә сәбилер

Алматы облысында Жауғашты дейтін елді мекен бар. Бұл ауылдың атауы осында орналасқан Алматы облысы және Жетісу облысы бойынша ҚАЖД-ге қарасты №10 мекемесі – әйелдер түрмесі арқылы жұртқа жақсы таныс. Бұл мекеме – сотталған әйелдердің баласымен бірге болуына рұқсат етілген еліміздегі жалғыз түрме. Қазіргі таңда мұнда жазасын өтеп жатқан аналарымен бірге үш жасқа толмаған 32 сәби өсіп келе жатыр.

Құқық • 05 Сәуір, 2023

Қашқын деген қара таңба

Бас прокуратураның мәлімдеуінше, қазіргі таңда қылмыс жасады деген күдікке іліккен 2,5 мыңнан астам адамға іздеу жарияланған екен. Жалпы, соңғы үш жылда елдегі қылмыстық қудалау органдары­ әртүрлі қылмыс жасады деген күдікпен 3 мыңнан астам адамды іздеуде.

Басылым • 04 Сәуір, 2023

Әр адам – өмір дәптері

Жан-жағына жылылық пен мейірім шуағын шашып жүретін жандар болады. Айналасына бір-ақ ауыз жүрекжарды сөзімен сыйлы болып, құрметке бөленіп жүретін азаматтар да кездеседі. Халқымызда «Айналайын», «Айнам» деген жүрекке нұр құятын сөздер бар. Жақыныңа ғана емес, бір көрген жатқа айтсаң да бұл сөздер адам көңіліне ерекше бір жылымық әкеледі.

Сенат • 31 Наурыз, 2023

Өңірлерді өркендету – басым бағыт

Сенат спикері Мәулен Әшімбаевтың төрағалығымен «Өңір» депутаттық тобының жаңарған құраммен алғашқы отырысы өтті. Жиын барысында депутаттар Мемлекет басшысы Қасым-Жомарт Тоқаевтың VIII сайланған Парламент Мәжілісінің бірінші сессиясында Парламент пен Үкіметке жүктеген міндеттерін талқылады.

Сайлау • 16 Наурыз, 2023

Мүгедектігі бар азаматтарға – кедергісіз орта

Мүгедектігі бар азаматтардың саяси және қоғамдық өмірге қатысуын қамтамасыз ету. Оларды мәслихаттар депутаттығына кандидаттар ретінде ұсыну. Мүмкіндігі шектеулі жандардың жағдайларын ескере отырып, сайлау алдындағы үгіт жүргізу мүмкіндігін қарастыру. Бұл – сайлау науқаны басталғалы бері Орталық сайлау комиссиясының ерекше назар қойып келе жатқан басты сұрақтардың бір парасы. Комиссия мүшесі Анастасия Щегорцованың төрағалығымен өткен Мүгедектігі бар адамдардың сайлау құқықтарын қамтамасыз ету жөніндегі жұмыс тобының отырысында да бұл мәселелер кеңінен сөз болды.

Сайлау • 15 Наурыз, 2023

Сайлау: ашықтық пен демократиялық ұстаным

Сыртқы істер министрлігі мен Орталық сайлау комиссиясы елімізде аккредиттелген шетелдік дипломатиялық корпустың өкілдері үшін алдағы Парламент Мәжілісі және мәслихат депутаттарының сайлауына арналған бірлескен брифинг өткізді.

Сайлау • 14 Наурыз, 2023

Байқаушыларды аккредиттеу аяқталды

19 наурызға белгіленген Парламент Мәжілісі және жергілікті мәслихаттар депутаттарының сайлауын 34 шет мемлекет пен 9 халықаралық ұйымның 300-ден астам байқаушысы бақылайды. Ал бүгіннен бастап сауалнама нәтижелері туралы ақпаратты жариялауға, сондай-ақ қайта басып шығаруға тыйым салынады. Бұл жөнінде Нұрлан Әбдіровтің төрағалығымен өткен Орталық сайлау комиссиясының кезекті отырысында хабарланды.

Пікір • 13 Наурыз, 2023

Жария жүктілік

Жүкті болғанын жалпақ жұртқа жария­лайтын жаман әдет пайда болды кейінгі кездері. Аяғы ауырлағанын растайтын «екі сызықты таяқшаны» әлеуметтік желіге салып, жаңалығын еріне тосынсыймен жеткізетін келіншектердің бұл қылығын біреу түсінсе, енді біразы ерсі са­найды. Жалпы, «Жүктімін!» деп жаһанға жар салудың кімге қандай пайдасы мен қа­жеті бар?