Қазақстан теннис федерациясының мәліметі бойынша, осы жылдан бастап Дэвис кубогының топтық кезеңі биылғы 25 қараша мен 5 желтоқсан күндері Мадрид, Турин (Италия) және Инсбрук (Аустрия) қалаларында өтеді. Қазақстан құрамасы Канада және Швеция теннисшілерімен «В» тобында Мадридте сынға түседі.
Сондай-ақ Пиреней түбегінде «А» тобының өкілдері – Испания, Ресей және Эквадор құрамалары да бақ сынайды. Оған қоса турнирдің жартылай және финалдық бәсекелері де дәл осы Испанияның бас шаһарында өтеді. Ал Инсбрукта «C» және «F», Туринде «D» және «Е» топтары сынға түседі. Сонымен қатар екі қалада бір-бір ширек финалдан өтеді.
