Испания чемпионатының 31-тур ойындарының орталық матчы Мадридте өтті. «Реал» өз алаңында «Барселона» клубын қабылдап, 2:1 есебімен басым түсті. Осылайша Корольдік клуб Каталония командасын жеңіп қана қоймай, 19 матчқа созылған жеңіліссіз сериясына да нүкте қойды. Бензема мен Кроостың голына «Барселонадан» Мингеса бір голмен жауап қатты.
Бұл жеңісінен кейін «Реал» Испания чемпионатында 66 ұпай жинап, турнир кестесінде көш бастады. Ал бұған дейін топ бастап тұрған Мадридтің тағы бір клубы – «Атлетико» «Реалмен» бірдей ұпай еншілесе де, жеке көрсеткіші бойынша екінші орынға сырғыды. Мадридтің екі ұжымынан бір ұпайға қалып келе жатқан «Барселона» үшінші сатыға тұрақтады.
