17 жастағы қазақстандық теннисші Заңғар Нұрланұлы америкалық Агасси Рашерді 6:2, 6:1 есебімен сенімді түрде жеңіп, жасөспірімдер арасындағы «Ролан Гаррос» турнирінің үшінші кезеңіне өтті, деп хабарлайды Egemen.kz
Кездесу 1 сағат 6 минутқа созылды. Бұған дейін қос қарсылас кортта ешқашан кездесіп көрмеген.
Ширек финалға шығу үшін Заңғар пуэрторикалық Янник Альварес пен бразилиялық Леонардо Сторк арасындағы матчтың жеңімпазымен ойнайды.