Футболдан Қазақстан Премьер-лигасының 10-туры аяқталды. «Қайрат» елордалық «Жеңіс» клубын 2:1 есебімен жеңіп, турнир кестесінде бірінші орнын сақтап қалды. Екінші орында тұрған «Ордабасы» 3 ұпайға қалып келеді, бірақ бір ойыны артық, деп хабарлайды Egemen.kz.
Алматылықтар матчтың екінші таймында белсенді ойнап, алдымен Ойва Юккола есеп ашты, кейін Жоржиньо есепті еселей түсті. Ойын соңында «Қайрат» қорғаушысы Александр Широбоков өз қақпасына гол соғып, есеп 2:1 болып аяқталды.
Петропавлда «Қызылжар» мен «Алтай» кездесуінде қонақтар 2:1 есебімен жеңіске жетті. Соңғы минуттарда үш гол соғылып, «Алтай» Премьер-лигадағы алғашқы жеңісіне қол жеткізді.
Команданы Чемпиондар лигасының ширек финалына жеткізген бас бапкер «Қайраттан» неге кетті?
«Ақтөбе» өз алаңында «Атыраумен» 1:1 есебімен тең түсті. Қонақтар бірінші болып есеп ашса, алаң иелері жас ойыншының голымен жауап қайтарды.
Қызылордада «Қайсар» командасы «Тобылды» 2:1 есебімен жеңді. Айбол Әбікен алғашқы минуттарда дубль жасап, командасына маңызды жеңіс сыйлады.
«Қайрат» пен «Қайсардың» матчын қайдан көруге болады?
Шымкентте «Ордабасы» «Жетісу» клубын 2:1 есебімен ұтты. Жеңіс голы қосымша уақытта пенальтиден соғылды.
Басқа матчтарда:
«Ұлытау» – «Каспий» 1:0 «Оқжетпес» – «Астана» 1:0 «Ертіс» – «Елімай» 2:210-тур тартысты өтіп, бірнеше команда алғаш рет жеңіске жетті. Келесі, 11-тур ойындары 22–23 мамыр күндеріне жоспарланған.