Бүгін Шымкентте ел экономикасын практикалық цифрлық және AI-трансформациялаудың жаңа ұлттық платформасына айналған Digital Qazaqstan 2026 халықаралық цифрлық форумы өтіп жатыр, деп жазады Egemen.kz.
Digital Qazaqstan – Қазақстанда ресми түрде жарияланған Жасанды интеллект жылы аясындағы іс-шаралардың ауқымды сериясын ашатын алғашқы халықаралық оқиға.
Биыл Digital Almaty халықаралық алаңы өңірлерді дамытуға және жасанды интеллектіні нақты секторға енгізуге бағытталған жаңартылған форматқа трансформацияланды. Форумның Шымкентте өткізілуі Қазақстанның технологиялық дамудағы өңірлердің рөлін күшейтуге және тұрақты цифрлық экожүйені қалыптастыруға бағытталған стратегиялық курсын айқындайды.
«Industry 5.0: Іс-қимыл бірлестігі» тұжырымдамасы адам мен технологияның синергиясына негізделген, мұнда жасанды интеллект, деректер және робототехника өнімділікті арттыру мен тұрақты дамудың құралы ретінде қызмет етеді.
Форум ең алдымен, цифрландыру мен ЖИ-дің әрбір адамның мүмкіндіктерін кеңейтуге, таланттарды дамытуға және инклюзивті технологиялық орта құруға арналған құрал екенін көрсетеді.
ЖИ және мемлекеттік қызметтер: AlemGPT сервисінің мүмкіндіктері қандай?
Жасанды интеллект және цифрлық даму министрлігі, Шымкент қаласының әкімдігі және Astana Hub халықаралық инновациялық кластері ұйымдастырған форум мемлекет қайраткерлерін, халықаралық корпорациялар басшыларын, инвесторлар мен жетекші IT-сарапшыларды бір арнаға тоғыстырды. Цифрлық трансформация мен ЖИ келешегін талқылауға Премьер-министрдің орынбасары – Жасанды интеллект және цифрлық даму министрі Жаслан Мәдиев, Freedom Holding Corp. CEO-сы Тимур Турлов, «Қазақтелеком» АҚ Басқарма төрағасы Бағдат Мусин қатысып, цифрлық экономиканың дамуына мемлекеттік және корпоративтік көзқарастарын ұсынды. Сондай-ақ пікірталасқа венчурлік нарық пен IT-индустрияның танымал көшбасшылары, соның ішінде MA7 Ventures негізін қалаушы Мұрат Әбдірахманов, Yandex Qazaqstan CEO-сы Тимур Шалекенов, Women in Tech Kazakhstan CEO-сы Әсел Болатжан және Booking.com әзірлеушісі Нарикби Мақсұт сынды халықаралық сарапшылар қосылды.
Олжас Бектенов ЕАЭО аумағында жүк тасымалын реттейтін ЖИ платформасын құруды ұсынды
Бағдарлама өнеркәсіп пен мемлекеттік басқаруға AI-шешімдерді енгізудің негізгі сценарийлерін қамтиды. Digital Qazaqstan 2026 бұл Қазақстан өңірлері жалпыұлттық цифрлық қозғалысқа қосылып, тәжірибе алмасатын біртұтас кеңістік. Форум аясында өнеркәсіпте, мемлекеттік қызметтерде және әлеуметтік салада AI-шешімдерді енгізудің үздік тәжірибелерін марапаттайтын Digital Qazaqstan Awards ұлттық сыйлығы таныстырылды.
Форумның интерактивті аймақтарында робототехника мен автономды жүйелер саласындағы технологиялық жетістіктер, сондай-ақ отандық әзірлеушілердің перспективалы шешімдері көрсетіліп жатыр.
Айта кетейік, 2026 жылғы форумды ұйымдастыру мемлекеттік бюджеттен тыс, толығымен серіктестердің қолдауы мен демеушілік қаражат есебінен іске асырылды.