Синоптиктердің болжамынша, Қазақстанда алдағы үш күнде күн жылынады. 19 наурызда елдің басым бөлігінде жауын-шашынсыз, шуақты ауа райы болады және ауа температура біртіндеп жоғарылайды, деп жазады Egemen.kz.
Елордада күн құбылмалы бұлтты болғанымен, жауын-шашын күтілмейді. Түнде және таңертең тұман түсіп, көктайғақ болуы мүмкін. Ауа температурасы түнде 8-10 градус аяз, күндіз 1-3 градус жылы.
Алматыда күн құбылмалы бұлтты. Күндіз ауа 13-15 градусқа дейін жылиды. Іле Алатауының таулы аймақтарында жел күшейіп, 9-14 м/с-қа жетеді. Ал түнде 3-8 градус аяз, күндіз 3-8 градус жылы болады.
Шымкентте күн райы тұрақсыз: таңертең және күндіз жаңбыр жауып, найзағай ойнайды. Желдің екпіні 15-20 м/с-қа дейін күшейеді. Ауа температурасы түнде 4-6, күндіз 16-18 градус жылы.
Ақмола облысында жауын-шашынсыз, бірақ құбылмалы ауа райы сақталады. Өңірде түнде және таңертең тұман түсіп, жолдарда көктайғақ болуы ықтимал. Түнде 7-12 градус аяз, күндіз 1-6 градус жылы.
Көкшетау қаласында да ауа райы құбылмалы. Түнде және таңғы уақытта тұман түсіп, көшелерде тайғақ болады. Шаһарда түнде 2-4 градус аяз сақталса, күндіз 4 градусқа дейін жылынады.
Алматы облысында күн ашық, жауын-шашынсыз. Кей жерлерде тұман түседі. Күндіз ауа температурасы 13-18 градусқа дейін көтеріледі, ал таулы өңірлерде 3-8 градус жылы. Қонаевта да күн жылы әрі жайлы болады.
Жетісу облысында жауын-шашынсыз, бірақ Алакөл маңында желдің екпіні 15-20 м/с-қа жетуі мүмкін. Талдықорғанда күндіз 11-13 градус жылы.
Түркістан облысының оңтүстігі мен таулы аймақтарында жаңбыр мен найзағай күтіледі. Солтүстігінде тұман болады. Ал Түркістан қаласында күн ашық, ауа температурасы күндіз 18-20 градусқа дейін көтеріледі.
Еліміздің батыс өңірінде алдағы күндері жауын-шашынсыз, бірақ құбылмалы ауа райы орнамақ. Оралда күндіз 3-5 градус жылы.
Атырау облысында күн ашық, жауын-шашынсыз. Күндіз 10-15 градус жылы. Ақтауда түнде аздаған жаңбыр жаууы мүмкін, күндіз 15-17 градусқа дейін жылиды.
Синоптиктердің болжамынша, алдағы күндері Ақтөбе облысының басым бөлігінде жауын-шашынсыз, бірақ құбылмалы ауа райы сақталады. Күндіз ауа 6-8 градус жылы. Қостанай және Павлодар облыстарында да негізінен құрғақ ауа райы сақталады, дегенмен кей жерлерде тұман мен көктайғақ болады.
Солтүстік Қазақстан облысында ауа райы құбылмалы: кей жерлерде қар, жаңбыр аралас жауын-шашын, бұрқасын және көктайғақ күтіледі. Желдің екпіні 15-20 м/с-қа дейін жетеді.
Қарағанды, Ұлытау өңірлерінде жауын-шашынсыз, бірақ тұман мен көктайғақ байқалады. Күндіз ауа температурасы 3-9 градус жылы шамасында.
Шығыс Қазақстан мен Абай облыстарында кей жерлерде қар аралас жаңбыр жауады. Шығыста түнгі аяз 15-20 градусқа дейін күшеюі мүмкін.
Қызылорда және Жамбыл облыстарында күн жылы: күндіз 15-20 градусқа дейін көтеріледі. Таулы аймақтарда жаңбыр мен найзағай болуы ықтимал.
Еске сала кетейік, кеше бірқатар өңірде ауа райы күрт құбылды.