Италияда өткен XIV қысқы Паралимпиада ойындары өз мәресіне жетті. Қазақстан құрамасы сапынан Ербол Хамитов қос жүлдені ел қоржынына салды, деп жазады Egemen.kz.
Паралимпиаданың алтыншы күнінде отандасымыз алғашқы медальді жеңіп алды. Ербол Хамитов парашаңғы сайысынан 1 500 метрге классикалық спринтте қола жүлде олжалады. Ол мәреге 2 минут 29 секундта жетті.
Сондай-ақ ол 4,5 шақырымдық із кесу жарысында да (отырып жарысу санаты) үздік нәтиже көрсетіп, чемпион атанды.
Ербол Хамитов Паралимпиада чемпионы атанды
Ербол салған қос медальмен Қазақстан Паралимпиаданы 18-орында аяқтады. Ал Қытай елі 15 алтын, 13 күміс, 16 қола жүлдемен көш бастаса, екінші сатыға 13 алтын, 5 күміс, 6 қола медальмен АҚШ құрамасы жайғасты. Үздік үштікті Ресей атлеттері түйіндеді. Олардың еншісінде 8 алтын, 1 күміс, 3 қола жүлде бар.
Айта кетейік, Паралимпиада ойындары 6-15 наурыз аралығында өтті. Жарысқа әлемнің әр аймағынан 600-ден астам спортшы қатысты. Додада 6 спорт түрі бойынша 79 медаль жиынтығы сарапқа салынды.
Жалпы, жарыс барысында 27 елдің спортшылары медаль жеңіп алды.