Air Astana Иран әуе кеңістігінің жабылуына байланысты кейбір тұрақты және чартерлік рейстердің маршруты өзгеретінін хабарлады, деп жазады Egemen.kz.
Осыған байланысты Air Astana ұшақтары Шарм-эль-Шейх, Дубай, Доха және Мединаға Иран әуе кеңістігін айналып ұшады. Сондай-ақ рейстер кестесінде өзгерістер болады.
Компания жағдайды мұқият бақылап отырғанын мәлімдеп, жолаушылардан рейстердің мәртебесін тексеруді сұрап отыр.
Жолаушылар рейстерінің кешігуі немесе өзге де жағдайларға қатысты мәліметті компанияның байланыс орталықтарынан ала алады: брондау және ақпарат орталығының нөмірлері: +7 (727) 244 44 77, +7 702 702 44 77.
Рейстерді кешіктірген және тоқтатқан жағдайда: +7 (727) 244 44 78.
WhatsApp: +7 702 702 00 74.
Айта кетейік, Иранда бірнеше күннен бері елдің түкпір-түкпірін қамтыған жаппай наразылықтар жалғасып жатыр.
Иран билігі наразылықтар кезінде шамамен 2000 адамның қаза тапқанын хабарлады.
Әлемдік БАҚ Иран әуе кеңістігінің жабылуын іске АҚШ-тың араласуымен байланыстырып отыр. Қазір Иран билігі тек таңдаулы халықаралық рейстерді қабылдауға шешім шығарған.