Еліміздің БАҚ өкілдері жасанды интеллектінің мүмкіндіктерін үйренді

Мәдениет және ақпарат министрлігі мен «Кселл» АҚ-ның бірлескен бастамасы еліміздегі медиа саласын түбегейлі жаңартуды көздейді. Қатысушылар фактчекинг арқылы ақпаратты сүзгіден өткізуді, дата-журналистиканың құпияларын және мультимедиялық контентті кез келген платформаға лайықтап жасауды меңгерген.   Тренингтің ең өзекті тақырыбы – жасанды интеллектіні редакциялық жұмысқа енгізу болды. Технологиялық алпауыт Ericsson және «Кселл» сарапшылары қатысушыларға телекоммуникация саласындағы соңғы өзгерістерді таныстырып, цифрлық әлемнің тілін халыққа қарапайым әрі ұғынықты жеткізудің жолдарын көрсетті.   Оқу соңында журналистер тек сертификат алып қана қоймай, нақты кейстерді шешіп, болашақтың медиа-жобаларын қорғап шықты.