Жаңа Салық кодексі (2026 жылы күшіне енеді) шеңберінде елімізде жеңілдетілген және бөлшек салық режимдері 4% мөлшерлемемен біріктіріледі. Сол орайда Алматы қаласы әкімдігі кәсіпкерлерге қосымша қолдау көрсетіп, бизнес жүргізуге қолайлы жағдай жасау бастамасын көтеріп отыр, деп жазады Egemen.kz.
Қала әкімі Дархан Сатыбалдының төрағалығымен өткен кеңес қорытындысы бойынша, 2026 жылдан бастап жаңа жеңілдетілген салық режимін қолданатын барлық кәсіпкерлер үшін тиімді мөлшерлемені 3% деңгейінде белгілеу туралы мәселені Мәслихаттың қарауына шығару жөнінде шешім қабылданды.
Әкімдіктің мәліметінше, аталған шара шағын және орта бизнестің салықтық тұрақтылығын сақтауға, қосымша инфляциялық тәуекелдердің алдын алуға және B2C-сегменттегі нысандарды – үй маңындағы дүкендерді, шаштараздарды, шеберханаларды және тұрмыстық қызмет көрсету орындарын қолдауға мүмкіндік береді.