Республикалық маңызы бар 11 автожол жабық тұр

«ҚазАвтоЖол» ҰҚ» АҚ ұсынған ақпаратқа сәйкес, ауа райының жылынуы мен қардың еруі салдарынан Ақмола, Солтүстік Қазақстан, Қостанай облыстарындағы 8 жол жүру учаскесінде су тасқыны болған. «5 облыстағы (Ақтөбе, Ақмола, Атырау, Қостанай, СҚО) республикалық маңызы бар 11 автомобиль жолдарында (ұзындығы 411 км) көлік қозғалысына уақытша шектеу қойылды», делінген «ҚазАвтоЖол» ҰҚ» АҚ хабарламасында.

Қазір республикалық жолдарда 356 бірлік техника мен 438 адам қарғын сумен күресіп жүр.