2-3 қыркүйекте «Қазақстан» СК көлік тұрағы аумағында Атырау, Оңтүстік Қазақстан және Ақмола облыстарының жәрмеңкесі өтеді.
Жалпы 1300 тонна ауылшаруашылық өнімдері жеткізілмек, оның ішінде: ет және ет өнімдері, сүт өнімдері, жұмыртқа, картоп, көкөніс пен жеміс-жидектер, түрлі дәмді тағамдар ұсынылады.
Жәрмеңкеге ПК «Ижевский», «Қазгерқұс» ЖШС, «Астана Өнім» АҚ сынды 100-ден астам отандық тауарөндіруші қатысуда.
Айта кетейік, қала тұрғындары мен қонақтары азық-түлік өнімдерін жәрмеңкеде базардың бағасынан төмен сомаға сатып ала алады.
Сонымен қатар, облыстардан келетін шығармашылық ұжымдар келушілер назарына концерттік бағдарлама ұсынады.