Армия әскерге шақырудан басталады

Осылайша Қазақстанда әскери қызметке шақырудың кезекті көктемгі науқаны басталып отыр. Ал биылғы көктемгі-күзгі науқанның Қазақстан Республикасы Қарулы Күштері құрылуының 25 жылдығы аясында өтетінін де айта кеткен орынды.

Әрине, бұл кезекті әскерге ша­қы­рылым әдеттегідей Қа­зақ­стан Республикасы Прези­­ден­тінің 2017 жылғы 16 наурыздағы «Мерзімді әс­ке­ри қыз­метті өткерген әске­ри қыз­мет­шілерді, әскери қыз­меттің белгіленген мерзімін өт­кер­ген әс­кери қызметшілерді запас­қа шығару және Қазақстан Рес­пуб­ликасының азаматтарын 2017 жылдың наурыз-маусы­мын­да және қыркүйек-жел­тоқ­санында мерзімді әскери қыз­мет­ке кезекті шақыру туралы» Жар­лығына сәйкес баста­лып отыр. Осыған орай, биыл­ғы жыл­ғы көктемде мерзімді әс­кери қызметке 18 бен 27 жас ара­лы­ғын­дағы азаматтар шақы­рылуға жатады. Шақырылу­шы­лар медициналық куәлан­дыру мен әскери қызметке жарам­­д­ы­лығын анықтаудан өткізі­летін, өздері әскери тіркеу­де тұратын жері бойынша қор­ғаныс істері жөніндегі басқар­малар мен бө­лімдерге жолығады.

Бұл жолы да әскерге шақыру осы кезге дейінгі қалып­тасқан үрдіске сай, бұрын­ғы аймақтық қағида бойынша жүзеге асатын бо­лады. Яғни, шақырылу­шы әскери қызметін өт­керу үшін басқа аймаққа жібе­ріледі. Әскер қатарын толық­тыратын жас азаматтарды іріктеу және әскери бө­лімдерге тарату кезін­де олардың шақыры­лымға дейін алған мамандық­тары ескеріледі. Шақыру­ды ұйымдастыру тәртібі мен медициналық куәлан­дыру шараларын өткізу мәсе­лелерін жедел түрде шешу үшін Қазақстан Қорғаныс ми­нистрлігінде осы кезең аралығында арнайы «жедел желі» жұмыс жасамақ. Жа­уапты лауазымды тұлға­лар азаматтардың қызығу­шылығын тудырған сауалдарына жауап беріп, түсіндіреді. Тіпті, хабарласып, шақырылымға байланысты қажетті кеңес алуға да болады.

Жастарды әскерге ша­қы­руда, ең алдымен, «Әске­ри қызмет және әскери қызметшінің мәртебесі туралы» Заң басшылыққа алынады. Сондай-ақ, әр әскер­дің ведомстволық бұйрығы бар. Сонда көрсетілгендей, әскерге шақырылушының дені сау, бойы 160 см-дан төмен болмауы тиіс. Соны­мен қатар, аумақтық қағи­дат ұсталады. Яғни, шақы­рылушы Алматы қала­сының тумасы болса, Тал­дықорған қаласына әске­ри қызметін өтеуге жіберіл­мейді. Ол туған аумағынан ал­шақта болуға тиіс. Ша­қыру нау-

қаны кезінде аза­мат­тар­дың жақын өңірге ауыс­ты­ры­луына жол беріл­мейді. Мұ­ны, әсіресе, Ұлт­тық ұлан қа­та­рына келген жауынгер нақты түсі­нуі қажет. Сондай-ақ, Ұлттық ұлан қатарында азаматтық қорға­ныс әскери бөлімдері бар. Психо­лог­тар­мен жұ­мыс барысында әс­керге ша­қырылушының адам­ға көмекке ұмтылу қасиетіне үл­­кен көңіл бөлінеді. Болашақ ұлан­дық­тар адамға көмектесуге асық бо­луы шарт. Оқыс оқиға кезін­де тез шешім қабылдай алатын жы­лы жүректі, темір мінез­ді аза­мат­тардың мұнда көп болғаны жөн.

Әскерге аларда тағы бір көңіл бөлінетін жағдай, ша­қы­рылушы зиянды әдет­тер­ден аулақ азамат болуы қажет. Саламатты өмір сал­­тын ұстануы шарт. Де­мек, еңбекқор, елжанды, от­ба­­­сы­­лық құндылықтары берік, аза­мат­тық деңгейде ойлай­тын адам болуы тиіс. Сол себепті, шақы­рылушы әскер­ге жіберу коман­дасына қосыл­мастан бұрын есірт­кі зат­тарын пайдаланғаны не пай­­даланбағаны туралы тесті­ден өтеді. Есірткіге еліктеуі анық­тал­са, онда ол азамат әскерге алын­байды.

Александр ТАСБОЛАТОВ,

«Егемен Қазақстан»