Қоғам • 03 Мамыр, 2024
Қазақша сөйлегенде қазақты жаңылдыратын бұл жігіттің кіндігі қара шаңырақ – Қарсақбайда кесіліпті. Сол ауылдағы Ж.Жабаев атындағы мектептің орыс сыныбында білім алған. Әкесі Николай ертерек қайтыс болып, ал анасы Марина Қарсақбай кенті әкімдігінде қызмет атқарған.
Зерде • 03 Мамыр, 2024
Сексен жылға жуық уақыт өтсе де сұрапыл соғыста қаһармандық танытқан жауынгерлердің ерлігі туралы естеліктер тарих парақтарына әлі де қосылып жатыр. Оның ішінде соғыстың алдыңғы шебінде жүріп, жеңіске жету жолында лайықты үлес қосқандар жайында тың деректер де бар. Кейінгі бірер жылдың өзінде бұрын беймәлім болып келген батырларымызды түгендеп, өшпес ерлігін ұрпаққа жеткіздік. Мәселен, осы уақытқа дейін Кеңес Одағының Батыры атағына ұсынылып, ала алмай қалған 133 адамның есімі жинаққа енгізілді. Бұл бағыттағы жұмыс жалғаса беру керек екенін Мемлекет басшысы Қасым-Жомарт Тоқаев Атырауда өткен Ұлттық құрылтай жиынында да айтты.
Сенат • 03 Мамыр, 2024
Сенаттың жалпы отырысында сенатор Арман Өтеғұлов бастаған бір топ депутат Премьер-министр Олжас Бектеновке депутаттық сауал жолдады. Мұндағы негізгі мәселе – өңірлердегі су тасқынының салдарынан кешіккен көктемгі егіс жайы. Рас, қазір Үкімет төтенше жағдайлардан болған шығынның орнын толтыру үшін бар мүмкіндікті қарастырып жатыр. Дегенмен де көктемгі егіс науқанының кешігуі күзгі жиын-теріннің сапалы болуына кері әсерін тигізетіні анық. Сондықтан су шайған өңірлердегі жердің геоботаникалық жағдайының төмендегені, оған құнарландыру жұмысы қоса жүруі шарт.
Аймақтар • 03 Мамыр, 2024
Қордай – өңірде халық ең тығыз орналасқан аудан. Қазір мұнда түрлі этнос өкілдері татулық туын көтеріп, бейбіт ғұмыр кешіп жатыр. Ауданда 160 мыңға жуық халық бар. Дерекке жүгінсек, жергілікті халықтың 32 пайыздан астамы – дүнгендер.
Шаруашылық • 03 Мамыр, 2024
Жетісулық шаруарлардың былтыр мол өнім алғаны белгілі. Биыл да сол үдеден шығуға бел байлап, егіс көлемін екі есеге ұлғайтып отыр. Мәселен, осы жылы Алакөл ауданында 85 130 гектар жер игеріледі. Бұл бұрынғы межеден әлдеқайда көп. Әсіресе қант қызылшасын егумен айналысатын шаруашылықтар өнімділігі жоғары тұқымға сұранысты молынан бергені байқалады.
