Технология • 28 Қараша, 2019
Болашаққа жасалған батыл қадам
Жамбыл облысында бүгінде «Цифрлы Қазақстан» бағдарламасы барлық салада тиісті деңгейде жүзеге асырылуда. Мәселен өңірде білім беруді цифрландыру аясында орта білім беру мекемелерінде 26 026 компьютер қолданылуда.
Тарих • 28 Қараша, 2019
Бұл Алматы қаласы бойынша Жалпыұлттық қасиетті нысандар тізіміне енген 6 ескерткіштің бірі саналады. Ықылым заманнан келе жатқан, көне дәуірдің куәсіндей болған Ұлы дала елінің ескерткіштері елдік сананы жаңғыртады. Біздің елдің қай өңірі болсын, тарихи нысандарға бай. Осыдан тура 36 жыл бұрын ЮНЕСКО-ның шешімімен ең алғаш рет Халықаралық ескерткіштер мен тарихи орындарды қорғау күні мереке ретінде аталып өткен болатын.
Технология • 28 Қараша, 2019
Индустриялық аймақ ірі инвесторлар алаңына айналады
Алматыға сапары барысында қаланың экономикалық әлеуетін толық пайдалану туралы тапсырма берген Президент Қасым-Жомарт Тоқаев Алатау ауданындағы Индустриялық аймақты белсенді игеру мәселесіне айрықша көңіл бөлген болатын.
Руханият • 28 Қараша, 2019
Әбіш Кекілбаев әдебиетке келген сол бір алпысыншы жылдар әлі есте. Ол бір ерекше жылдар еді. Жаңа заманның жылымығы есіп, сталиндік сең сықырлап еркіндік шуағынан жер құрсағы жіби бастаған. Сол-ақ екен әдебиет майданында жас өскін көк дүрк көтерілді. Соның алдында ғана «Абай жолы» әлемге қазақ рухын паш етіп төрткүл дүниені шарлап кеткен. Бұл эстафетаны «Қан мен тер» іліп әкетті. Оған іле-шала өмірге «Қаһар» келді. Сөйтіп күллі қазақ кітапқа қарқ болды. Бірақ оқыған үстіне оқығысы келді. Өз тарихынан ажыратылған қазақ, талай заман теңдік емес, кемдік көрген қазақ бұ жылдарда жапатармағай өз тегін, өз тамырын тануға ұмтылған. Күні кеше төбесінде ұлтсыздық әңгіртаяғы ойнап өз өткенінен ажырай бастаған ұлттың осы жылдары өз өткеніне деген шөліркеуі, сусауы алабөтен еді. Ұлттық құндылықтар кәусарын аңсауы алабөтен еді. Сол шөлбасар кәусар алпысыншы жылдары атқылады. Ол кәусардың көзін ашқан жаужүрек жазушылар болды. Қаламгерлер қазақ үшін күресті бастады. Дәл осы жылдарда, 1965, 1966, 1967 жылдарда әлі отызға толмаған уыз жас Әбіш «Ханша дария хикаясын», «Күй», «Шыңырауын» жазды. Таласа-тармаса оқыдық. Шыңыраудан сыр шерткен жас талант тамам жұртты тамсантты. Қазақ қара сөзі аспанында өзгеше бір үн күндей күркіреді. Бұл Кекілбаев үні еді.
100 • 28 Қараша, 2019
Ел газетінің мерейтойы Көкшетауда зор құрметпен атап өтілді
Облыс орталығында республикалық «Egemen Qazaqstan» газетінің 100 жылдығын мерекелеу аясында «Егемен» – Отанымыздың бас газеті» тақырыбында оқырмандар конференциясы өтті.
