ChatGPT енді пайдаланушының жасын анықтай алады. Жаңа алгоритм адамның белсенді болатын уақытын және сұрауларының сипатын талдап, пайдаланушының 18-ге толған-толмағанын болжайды.
Егер жүйе пайдаланушының жасөспірім екенін байқаса, қосымша қауіпсіздік шектеулерін қосады. Дегенмен жасөспірімдер ChatGPT-ді оқу, шығармашылық және анықтамалық ақпарат үшін бұрынғыша пайдалана береді. Ал жасы қате анықталса, адам суретке түсіп немесе жеке құжат арқылы кәмелетке толғанын растай алады.