Қазақстанның жұптық сындағы бірінші ракеткасы Анна Данилина Австралияның ашық чемпионатында (Australian Open) жанкүйерлерді кезекті жеңісімен қуантты. Отандасымыз сербиялық Александра Круничпен бірге турнирдің 1/8 финалында жеңіске жетіп, ширек финалға қадам басты, деп хабарлайды Egemen.kz.
Sports.kz мәліметінше, турнирдің 1/8 финалында Анна Данилина сербиялық Александра Круничпен бірге алаң иелері – Сторм Хантер мен Майя Джойнттан құралған австралиялық дуэтке қарсы ойнап, екі сәтте жеңіске жетті – 7:5, 7:6 (8:6). Айта кетерлігі, алғашқы партияда Данилина мен Крунич 2:5 есебімен ұтылып жатқанымен, жағдайды өзгертіп, камбэк жасады.
Кездесу 2 сағат 13 минутқа созылды. Сөйтіп, Қазақстан-Сербия жұбы ширек финалға жолдама алды. Бұл кезеңде олар чехиялық Катерина Синякова мен АҚШ өкілі Тейлор Таунсендтен құралған мықты жұппен кездеседі.