2026 жылғы алғашқы юниорлық «Үлкен дулыға» турнирі − Australian Open басталар алдында Қазақстан теннисшісі Заңғар Нұрланұлы ITF юниорлар рейтингінде 12-орынға көтерілді. Бұл туралы ITF баспасөз қызметі мәлім қылды, деп хабарлайды Egemen.kz.
Рейтингте болгар теннисшісі Иван Иванов көш басында тұр. Ол былтыр Заңғарды юниорлық US Open турнирінде ұтқан.
Айта кетейік, Заңғар Нұрланұлы өткен күзде юниорлық US Open турниріндегі жартылай финалда сенсациялық жетістікке жетті.
Заңғар Нұрланұлы тарихи жеңіспен US Open жартылай финалына өтті
Заңғар бірнеше үздік ойыншыларды жеңіп, «Үлкен дулыға» турнирінде жоғары нәтижеге жеткен Қазақстанның алғашқы теннисшісі болды.