2026 жылғы 5 қаңтардан бастап Қазақстанда автокөлікке арналған мемлекеттік тіркеу нөмірін өз бетінше таңдауға мүмкіндік беріледі, деп жазады Egemen.kz.
Жаңа тәртіпке сәйкес, азаматтар VIP-серияларды қоспағанда, кез келген әріптік-сандық комбинацияны таңдай алады. Қызмет мамандандырылған ХҚКО арқылы көрсетіледі.
Нөмір құны таңдалған комбинацияға байланысты 10 немесе 15 айлық есептік көрсеткішті құрайды.
Сонымен қатар, 2026 жылдан бастап VIP-нөмірлердің бағасы 10 пайызға қымбаттайды.