Бүгін жергілікті уақытпен сағат 08:32-де Каспий теңізінде жер сілкінісі тіркелді. Бұл туралы Әзербайжан Ұлттық ғылым академиясы жанындағы Республикалық сейсмологиялық қызмет орталығы хабарлады, деп жазады Egemen.kz
Жерасты дүмпулерінің магнитудасы 4,8 балға жеткен. Жер сілкінісінің ошағы теңізде, Баку қаласы мен Қара-Боғазкөл шығанағының аралығында орналасқан.
Volcanodiscovery.com дерегінше, жер сілкінісінің магнитудасы 5,1 балл болған, ал ошағы 57 шақырым тереңдікте анықталған.
Айта кетейік, 12 тамыз күні де Каспий теңізінде 3,2 балдық жер сілкінісі болған еді.