Жыл соңына қарай әлемде 340 млн-ға жуық адам жұмыссыз қалмақ. Мұндай болжам Халықаралық еңбек ұйымының (ХЕҰ) баяндамасында айтылды, - деп жазады Egemen.kz
ХЕҰ мәліметтері бойынша, ағымдағы жылдың екінші тоқсанында ғана әлемде 400 млн адам жұмысынан айырылды. Егер экономикалық белсенділік жанданса, жұмыссыздар саны 140 млн-ға дейін қысқарады.
Сарапшылар әйелдердің жұмыс орындары көп зардап шекті деп санайды. Халықаралық еңбек ұйымының деректері бойынша әйелдер толық емес жұмыс күні жұмыс істейтін жұмыскерлердің 57% құрайды. Дәл осындай қызметкерлер бірінші кезекте қысқартылатын болады.
"Әйелдердің басым көпшілігі пандемиядан зардап шеккен секторларда жұмыс істейді. Осылайша, біз соңғы жылдары қол жеткізген гендерлік теңдік саласындағы жетістіктерімізді жоғалтамыз", - деді ХЕҰ бас директоры Гай Райдер.
ХЕҰ сарапшылары, егер әлемдік экономика тез қалпына келтірілсе, ең оптимистік сценарийде де 34 млн адам жұмыс істемейді деп есептейді.