"Қазгидромет" РМК ауа райының бұзылуына байланысты 16 маусымға бірнеше өңірде ескерту жариялады, - деп жазады Egemen.kz.
Атап айтқанда, Нұр-Сұлтан қаласында таңертең және күндіз солтүстік-шығыстан соғатын желдің екпіні 15-20 м/с күшейетіні күтіледі.
Ақмола облысында кей жерлерде найзағай ойнап, солтүстік-шығыстан соғатын желдің күші 15-20 м/с артады. Өңірдің басым бөлігінде өте жоғары өрт қаупі сақталады.
Қызылорда облысында солтүстік-шығыстан, солтүстіктен 15-20 м/с жылдамдықта жел соғады. Екпіні кей жерлерде 23 м/с жетеді. Шаңды дауыл сақталады.
Айтарлықтай жауын-шашын күтілмегенмен, температураның 5...10°С-қа төмендеуі байқалады.